काठमाडौं । भूमि व्यवस्था, सहकारी तथा गरिबी निवारणमन्त्री पद्मा कुमारी अर्यालको मन्त्री पद धरापमा परेको छ ।मन्त्री अर्यालले विवादित भुमि लिम्पियाधुरा नेपालको नक्सामा कहिल्यौं पनि समावेश नभएको अभिव्यक्ति दिएपछि उनको पद धरापमा परेको हो ।पूर्वप्रधानमन्त्री समेत रहेका नेकपाका वरिष्ठ नेता माधवकुमार नेपालले मन्त्री अर्याललाई जथाभावि नबोल्न भनेपछि उनको पद शंकटमा परेको विश्लेशकहरुको भनाई छ ।
बरिष्ठ नेता नेपालले मन्त्री अर्याललाई २ सय वर्षदेखि नेपालको नक्सामा लिम्पियाधुरा छैन भनेर अनावश्यक अभिव्यक्ति दिएको भन्दै बोल्दा विचार पुर्याउन आग्रह गरेका छन ।
उनले मन्त्री अर्याललाई त्यस्तो नबोल्न सचेत गराउँदै माफी माग्न समेत सुझाव दिएका छन् । सोमबार संसदको अन्तर्राष्ट्रिय सम्बन्ध समितिको बैठकमा बोल्दै नेता नेपालले भने, ‘सरकारलाई विवादित बनाउने काम नगर्नुस्, तत्काल माफी मागिहाल्नुस् । शिक्षा मन्त्रालयले पनि आफ्ना सम्पूर्ण पाठ्यक्रममा नेपालको सम्पूर्ण भूभाग भएको नक्सा प्रकाशन गर्नु पर्यो ।
नेकपाका केही नेताहरुले मन्त्रीलाई हटाउन गृहकार्य गरेको बुझिएको छ । ‘राष्ट्रियताको पक्षमा पुरादेश एकजुट भइरहेको वेलामा मन्त्रीले दिएको अभिव्यक्तिले राष्ट्रबादी नेपालहरुको मन दुखेको छ’, एक नेताले भने, अव उहाँको राजीनामा माग्न पर्छ । पार्टीमा हटाउनका लागि गृहकार्य भइरहेको छ ।’ नाम उल्लेख नगर्ने सर्तामा ति नेताले मन्त्री फेर्नेबारे प्रधानमन्त्रीसम्म कुरा पुगिसकेको बताए ।
