काठमाडौं , बैशाख ३० । गृह मन्त्रालयले कोरोना संक्रमितको संख्या एक्कासी बढेको रिपोर्ट आउन थालेपछि यसअघि जारी भएका सबै किसिमका पास रद्द गरिएको जनाएको छ । बिहीबारबाट यसअघि जारी गरिएको अर्को जिल्ला जान पाउने सवारी पास पनि रद्द गरेको छ ।
मंगलबार एकैदिन ७४ जनामा कोरोना (कोभिड–१९) भाइरस संक्रमण देखिएपछि गृहले मंगलबार दिउँसो यो निर्णय गरेको हो । काठमाडौं उपत्यकाको हकमा उपत्यकामा कार्यरत सरकारी कर्मचारीलाई पनि पास अनिवार्य गरिएको गृह मन्त्रालयका उप–सचिव उमाकान्त अधिकारीले जानकारी दिए ।
Advertisement
यो सूचना लागू भएपछि बैंक तथा वित्तीय संस्था, उद्योग, निर्माण सेवालगायतका कर्मचारी तथा सवारी साधनले सम्बन्धित नियामक निकायबाट प्राप्त पास लिनुपर्नेछ भने संचारकर्मीहरुले सूचना विभागको परिचयपत्र अनिवार्य गरिएको गृहले जनाएको छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
