पर्वत / शनिबार राति पर्वतको कुस्मा नगपालिका वडा नम्बर ३ दुर्लुङको ढकालबारीमा पहिरोमा पुरिएर ज्यान गुमाएका ८ जनाको हिजो अन्तिम दाहसंस्कार गरिएको छ । शनिबार राति आएको पहिरोले तुलबहादुर थापाको ५ जना र कमला विकको तीन जनाको परिवारलाई घर सहित पुरेको थियो । पुरिएका ९ जनामध्ये ३ जनाको शव राति नै भेटिएको थियो भने आइतबार बिहान थप ५ जनाको शव भेटिएको थियो ।
पहिरोमा पुरिएका दिपा थापा, कमला विक, तुलबहादुर थापा, उहाँकी श्रीमती मीनकुमारी थापा, नातिनी विविशा थापा, जेनिसा बिक, सम्राट थापा र विवेक थापाको शव भेटिएको प्रहरीले जनाएको छ । पहिरोमा पुरिएकी प्रमिसा विकको खोजी भइरहेको केवल जंग गुल्मका गुल्मपति अर्जुन दुलालले जानकारी दिनुभयो । नेपाल प्रहरी, नेपाली सेना, ससस्त्र प्रहरी र स्थानीय खोजी तथा उद्दारमा खटिएका छ्न्।
हिजो साँझ ६ बजे देखि झण्डै दुई घण्टा परेको मुसलधारे पानी पछि पहिरो गएको हो ।आज दुर्लुङ पहिरोमा परि ज्यान गुमाएका ६ जनाको एकै ठाउँमा दाहसंस्कार गरिएको छ । दुई जनालाई बाग्लुगं लगिएको छ । एक जना अझै बेपत्ता छन् । यस क्षेत्रका हजारौं नागरिकहरुले कोरोना माहामारीलाई वास्ता नगर्दै मलामीको रुपमा अन्तिम संकारमा सहभागी भएका छन् ।
अन्तिम संस्कारको पुरा भिडियो यहाँ हेर्न सक्नुहुनेछ :
