पर्वतको दुर्लुङमा पहिरोमा पुरिएका बालकको श’व पाँच दिनपछि यस्तो अवस्थामा भेटियो

राष्ट्रिय संचार

३ असार २०७७, बुधबार १९:४५ प्रकाशित

काठमाण्डौ,०३ असार । पर्वत जिल्लाको कुश्मा नगरपालिका–३ दुर्लुङको काहुलेमा गएको पहिरो मा पुरिएर हराइरहेका एक बालकको श’व पाँच दिन पछि भेटिएको छ । पहिरोमा हराएका १४ वर्षीय जेनिश विकको श’व आज बिहान फेला परेको हो ।

शनिबार राति आएको पहिरोले पुरिएर बे’पत्ता भएका बालकको खोजीका लागि चार दिनसम्म सुरक्षाकर्मी र स्थानीयवासी सक्रिय थिए ।गण्डकी प्रदेश कार्यालय पोखराबाट तालिमप्राप्त कुकुर झिकाएर मङ्गलबार दिनभरसमेत खोजी गरिएको भएपनि आजबिहान स्थानीयवासीले फेला पारेको स्थानीय प्रभु गुरुङले जानकारी दिए।

पहिरोमा परी मृ’त्यु भएका तुलबहादुर थापाको परिवारका ४ र कमला विकको परिवारका २ जनाको कालीगण्डकी र मोदी नदीको सङ्गम रहेको धार्मिकस्थल मोदीवेणीमा सोमबारै सामूहिक अ’न्त्येष्टि गरिएको छ भने तुलबहादुरकी छोरी र नातिको बागलुङको जैमिनीघाटमा दा’हसंस्कार गरिएको छ ।