काठमाडौं- नेपालमा थप एक कोरोना संक्रमितको मृत्यु भएको छ। गुल्मीका एक संक्रमितको मृत्यु भएको स्वास्थ्य तथा जनसंख्या मन्त्रालयले जनाएको छ। मन्त्रालयका प्रवक्ता डा जागेश्वर गौतमका अनुसार गुल्मी छत्रकोट गाँउपालिका-५ मैनडाँडाका ६९ वर्षीय पुरुषको मृत्यु भएको हो।म उनी प्यारालाइसिस उपचारका लागि भारत गएका थिए। भारतबाट जेठ २५ गते नेपाल आएका थिए। नेपाल आएपछि होमक्वारेन्टाइनमा नै रहेका उनको असार ५ गते घरमा नै मृत्यु भएको डा गौतमले जानकारी दिए।

उनको सोही दिन स्वाब संकलन गरि नमुना जाँचका लागि प्रदेश प्रयोगशाला भैरहवामा पठाइएको थियो। असार ६ गते आएको रिपोर्टमा उनमा कोरोना संक्रमण देखिएको हो। यो सहित नेपालमा २३ कोरोना संक्रमितको मृत्यु भएको छ। नेपालमा हालसम्म ९ हजार २६ जनामा कोरोना संक्रमण देखिएको छ।

Advertisement