Advertisement
धनगढी – कैलालीको गोदावरी नगरपालिकामा कोरोना भाइरसको संक्रमण देखिएका तीनजना क्वारेन्टिनबाट भागेका छन् । गोदावरी–३ मा रहेको ग्वासी माध्यामिक विद्यालयको क्वारेन्टिनबाट सोही वडाका तीनजनासंक्रमित भागेका हुन् । क्वारेन्टिनमा छुट्टै राखिएका एक बृद्ध, एक बालक र एक पुरुष भागेका हुन् ।
गोदावरी–३ का वडा अध्यक्ष मोहनबहादुर खत्रीले क्वारेन्टिनबाट भागेको तीनजना घर पुगेको बताए । उनीहरु मध्ये एक पुरुषलाई घरबाट फिर्ता ल्याएर नवज्योती स्कूलको आइसोलेशनमा राखिएको उनले बताए । बृद्ध र बालकलाई भने आइसोलेशनमा बस्न आग्रह गर्दा पनि नमानेको उनले बताए । क्वारेन्टिनमा उचित व्यवस्थापन नभएकाले घर आएको उनीहरुले बताएका छन् ।
Advertisement
Advertisement
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
