काठमाडौं, ९ असार । लकडाउनको कारण लामो समय थाइल्याण्डमा बस्न बाध्य हुनु भएकी पूर्व युवराज्ञी हिमानी शाह आज काठमाडौं आइपुग्नु भएको छ ।
छोरा हृदयेन्द्रसहित मंगलबार शाह थाईल्याण्डबाट फर्कनु भएको हो ।
Advertisement
मंगलबार अपरान्ह ३ बजे नेपाल एअरलाईंन्सको बिमानमार्फत् उहाँ त्रिभूवन अन्तर्राष्ट्रिय विमानस्थल आइपुग्दा राजसंस्थाका समर्थहरुले उहाँको स्वागत गरेका थिए ।
३ महिना अघि आफ्नी छोरीहरुलाई भेटन थाइल्याण्ड पुग्नु भएकी पूर्व युवराज्ञी शाह स्वदेश फर्किएपछि नेपाली सेनाले तयार गरेको क्वारेन्टाइनमा छोरा हृदयेन्द्रसहित बस्नु भएको बताइएको छ ।
शाहकी दुई छोरीहरु पूर्णिका र कृतिका भने उतै रहेका छन् ।
आफ्नी छोरीहरुसंग थाइल्याण्डमा हुँदा पूर्व युवराज्ञी शाहले बनाएको टिकटक भिडियोहरु नेपाली समाजमा निकै भाइरल बनेका छन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
