पोखरामा दुई मोटरसाइकल एकआपसमा ठोक्किएपछी…

राष्ट्रिय संचार

२० असार २०७७, शनिबार १८:२८ प्रकाशित

२० असार, पोखरा । पोखरा नयाँ बजारमा दुई वटा मोटरसाइकल एकआपसमा जुध्दा आगलागी भएर पूर्णरुपमा क्षति पुगेको छ । शनिबार दिउँसो करिब साढे ३ बजेको समयमा पोखरा नयाँबजारस्थित बृहस्पति आयल स्टोर नजिक दुर्घटना भएको थियो ।दुर्घटनामा परी मोटरसाइकलमा सवार चार जना सामान्य घाइते भएको जिल्ला प्रहरी कास्कीका प्रवक्ता सुवास हमालले जानकारी दिए ।

‘मोटरसाइकललाई क्षति पुगेको छ, तर त्यहाँ सवार ४ जनाको हातमा सामान्य चोटबाहेक ठूलो दुर्घटना हुन पाएन,’ उनले भने । प्रत्यक्षदर्शीका अनुसार महेन्द्रपुलबाट पृथ्वीचोक जाने क्रममा पोखरा २७ रिठेपानीका २५ वर्षे इच्छा गुरुङले चलाएको ग १६ प ४४४१ र सुरेन्द्र सुनारले चलाएको ३८६१ नम्बरको मोटरसाइकल ठोक्किएको थियो ।