काठमाडौं- सभामुख अग्निप्रसाद सापकोटा सिन्धुपाल्चोक पुगेका छन्। उनले पहिरो प्रभावित क्षेत्रमा पुगेर त्यहाँको अवस्थाबारे जानकारी लिएका छन् ।
गएराति बाह्रविसे नगरपालिका वडा नम्बर ५ मा गएको बाढीपहिरोमा परी दुई जनाको मृत्यु भएको छ भने २० जना बेपत्ता छन् ।
Advertisement
सभामुख सापकोटा बिहानै घटनास्थल हिँडेपनि खराब मौसमका कारण काभ्रेबाट फर्किएका थिए । त्यसपछि फेरि उनी सिन्धुपाल्चोक उडेका थिए ।
त्रिभुवन अन्तर्राष्ट्रिय विमानस्थलमा करिब तीन घण्टा कुरेर सभामुख सिन्धुपाल्चोक गएका थिए ।
सभामुख सापकोटा जम्बु पुगेको उनको सचिवालयले जनाएको छ। जम्बुमा रहेका दुई जना घाइतेलाई हेलिकप्टरबाट उद्धार गरिएको छ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
