काठमाडौं, २९ असार । बलिउड अभिनेताहरु र उनका परिवारहरुमा एकपछि अर्को गर्दै कारोना भाइरस संक्रमण पुष्टि हुँदै गएको छ । शनिबार राति मात्रै अमिताभ बच्चन र उनका छोरा अभिषेकमा कोरोना पुष्टि भएको थियो । र, त्यस लगत्तै गरिएको परीक्षणमा अमिताभकी श्रीमती, बुहारी अभिनेत्री ऐश्वर्या राय र उनकी छोरीछोरीमा पनि संक्रमण पुष्टि भएको थियो ।
त्यसको एकदिनपनि नवित्दै बलिउडका अर्का अभिनेता अनुपम खेरको परिवारलाई पनि कोरोना भाइरसको संक्रमण पुष्टि भएको स्वयम अनुपमले पुष्टि गरेका छन् ।
Advertisement
उनले ट्वीट गर्दै आफ्नो आमा र परिवारका अन्य सदस्यहरु भाइ, बुहारी र भतिजीलाई कोरोना संक्रमण भएको जानकारी गराएका हुन् । कोरोनाबाट उच्च सतर्कता अपनाउदा पनि आफ्नो परिवारका सदस्यमा कोरोना भाइरस संक्रमण भएको उनले बताएका छन् ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
