Advertisement
केपटाउन : नेल्सन मन्डेलाकी छोरी जिन्दजी मन्डेलाको निधन भएको छ । डेनमार्कको लागि दक्षिण अफ्रिकी राजदूत रहेकी जिन्दजीको ५९ वर्षको उमेरमा सोमबार निधन भएको हो ।
उनको निधभनप्रति दक्षिण अफ्रिकी उच्च अधिकारी तथा विदेशी कुटनीतिज्ञ र राजनीतिज्ञहरुले श्रद्धाञ्जली दिएका छन् । उनी नेल्सन मन्डेलाकी दोस्रो पत्नी विनी मन्डेलाको तर्फबाट कान्छी छोरीको रुपमा जन्मिएकी थिइन् । दक्षिण अफ्रिकी राष्ट्रपति सिरिल रामाफोसाले जारी गरेको विज्ञप्ति अनुसार उनको निधन सोमबार बिहान जोहानेसबर्ग अस्पतालमा भएको थियो ।
Advertisement
राष्ट्रपतिले विज्ञप्तिमार्फत् उनको निधनप्रति गहिरो दुख व्यक्त गरेका छन् । अफ्रिकी अन्य विभिन्न संघ संस्थाले पनि मन्डेलाको निधनप्रति शोक व्यक्त गर्दै विज्ञप्ति जारी गरेका छन् । नेल्सन मन्डेलाको २०१३ मा ९५ वर्षको उमेरमा निधन भएको थियो ।
Advertisement
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
