पूर्वसांसद गुरुङको निधन

राष्ट्रिय संचार

२ श्रावण २०७७, शुक्रबार १७:०१ प्रकाशित

पोखरा — कांग्रेस नेता एवं पूर्वसांसद दीपक गुरुङको निधन भएको छ । मिर्गौला रोगबाट पीडित ८३ वर्षीय गुरुङको शुक्रबार काठमाडौंको नर्भिक अस्पतालमा उपचारका क्रममा निधन भएको हो । गुरुङ कांग्रेसको भ्रातृसंस्था भूतपूर्व सैनिक संघको ३ कार्यकाल सभापति भएका थिए ।

कांग्रेसबाट राष्ट्रिय सभा सदस्य बनेका गुरुङ २०६५ को उपनिर्वाचनमा कास्की क्षेत्र नम्बर १ मा संविधानसभा सदस्यमा उम्मेदवार बनी पराजित भएका थिए । ब्रिटिस सेनाको मेजरबाट अवकार पाएपछि उनी कांग्रेसको राजनीतिमा सक्रिय थिए ।
कास्कीको मादी गाउँपालिका–२ ताङतिङ स्थायी ठेगाना भएका उनी पोखरा र काठमाडौंमा बस्दै आएका थिए ।