विभाजित नेकपाको प्रधानमन्त्री केपी शर्मा ओली पक्षले पार्टीको संसदीय दलको बैठक बोलाएको छ।सर्वोच्च अदालतले प्रतिनिधि सभा पुनस्र्थापित गरेपछि पहिलोपटक फागुन २३ गतेबाट संसद अधिवेशन सुरु हुँदैछ।
त्यसको अघिल्लो दिन फागुन २२ गते शनिबार बस्ने गरी ओली समूहले संसदीय दलको बैठक बोलाएको हो।‘हामीले शनिबार ३ बजेका लागि संसदीय दलको बैठक बोलाएका छौं, बानेश्वरस्थित संसद भवनको ल्होत्से हलमा बस्नेगरी नेकपाका सबै १७३ जना सांसदलाई नै बोलाएका छौं,’ सांसद विशाल भट्टराईले नेपालखबरसँग भने।
Advertisement
ओलीले केहि दिनपहिले पार्टीका प्रमुख सचेतक देव गुरुङलाई हटाएर उनको ठाउँमा भट्टराईलाई नियुक्त गरेको घोषणा गरेका थिए।तर प्रचण्ड–नेपाल पक्षले भने उनलाई सांसदकै भूमिकामा मात्र सीमित रहन सचेत गराएको छ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
