बिरेन्द्रनगर,सुर्खेत : कर्णाली प्रदेशको राजधानी वीरेन्द्रनगरको सडक निषेधाज्ञाका कारण सुनसान छ। त्यही सुनसान सडक छेउछाउमा गुलमोहरहरु ढकमक्क फुलेका छन्।
विगतका सालमा यी ठाउँमा फोटो खिच्ने को घुइँचो हुन्थ्यो भने अहिले निषेधाज्ञाको कारण मानिसहरूको भीड कम छ।
वीरेन्द्रनगरका कुइनेपानी, घण्टाघर, ईत्रामलगायत विभिन्न ठाउँमा फुलेका गुलमोहरले जो कोहीलाई मोहित बनाउँछ।
गुलमोहरलाई फ्रान्समा ‘स्वर्गको फूल’ नामले चिनिन्छ । वीरेन्द्रनगरका सडक किनारमा फक्रिइरहेका यी फूल नजिक पुग्दा जो कोहीलाई लाग्छ सुर्खेत त स्वर्ग नै हो कि!
