काठमाडाैँ । मनसुन सक्रियताले देशका धेरै क्षेत्रमा पानी पर्न थालेको छ । प्रदेशहरु१,२ र वाग्मती प्रदेशका पूर्वी क्षेत्रका केहि ठाउहरुमा पानी परिरहेको मौसमविद्ले जनाएका छन् । गएको २४ घण्टामा सुदूरपश्चिमका धेरै ठाउँमा ठूलो वर्षा भएको छ । बादल बढिरहेकाले देशका प्रायःधेरै ठाउहरुमा बादलले ढाकेकोले प्राय जसो ठाउका क्षेत्रमा आज ठूलो पानी पर्ने सम्भावना रहेको मौसमविदहरुले बताइएका छन् । अबको एक हप्ता देशका धेरै क्षेत्रमा ठूलो पानी पर्ने अनुमान रहेको छ।
जसले गर्दा बाढी पहरोको जोखिम हुने भएकाले सतर्कता अपनाउन मौसमविद्ले सुझाव दिएका छन् । मौसमविद्ले पहाडी क्षेत्रमा बाढी तथा पहिरोको जोखिम रहेकाले नदीनाला र खोला आसपासका बासिन्दालाई सावधानी अपनाउन सुझाव दिएका हुन् ।अब बुधवार देखि बिहीवारसम्म देशका धेरे क्षेत्रमा बाढी पहिरोको जोखिम रहेको छ ।
मनसुनी न्यूनचापीय रेखा नेपालको तराई भूभाग नजिक रहेको छ । यसकै कारण देशका सबैजसो क्षेत्रमा पानी पर्ने अनुमान गरिएको छ । यसपालिको मनसुनमा औसतभन्दा धेरै वर्षा भएको छ । मनसुन भित्रिएको सुरुमा नै बाढी पहिरोको घटना बढेको थियो । बाढी पहिरोले सिन्धुपाल्चोक र मनाङमा नोक्सानी भएको थियो।
