नेपालगन्ज — स्थानीय सरकार नरैनापुर गाउँपालिकाले ‘कृषक पेन्सन’ कार्यक्रम सुरु गरेको छ । किसानलाई कृषि पेशामा आबद्ध हुन प्रोत्साहन गर्नु को साथै आत्म निर्भर हुने उदेश्यले चालु आर्थिक वर्षदेखि यो कार्यक्रम लागू गरिएको गाउँपालिकाले जनाएको छ । मासिक रु ५०० प्रति किसानलाई दिने कार्यक्रम रहेको छ ।
कृषकलाई ब्यापार र कारोबारका आधारमा पेन्सन दिने कृषि शाखा प्रमुख सदन भण्डारीले बताएका छन्। परम्परागत कृषि प्रणालीलाई आधुनिकरण र प्रबिधि मुलकमा जोड दिने कार्यक्रमकको लक्ष्य रहेको छ भण्डारीले भने । गाउँपालिकाले आर्थिक वर्ष २०७८/७९ को नीति तथा कार्यक्रममा कृषक पेन्सन कार्यक्रम समावेश गरिएको हो ।
किसानले चना रहर मसुरो दलहनजन्यमा ,मकै गौ परम्परागत प्रणालीबाट खेती गर्दै आएका छन् । यस्तै आगामी आर्थिक वर्षमा नैनापुर् गाउमा सिचाई सुविधा सम्पन्न गराई फलफुलमा आत्मनिर्भर बनाउन १० जातको फलफूलको बिरुवा हुर्कौनेलाई भत्ता दिने योजना पनि रहेको भण्डारीले बताएका छन्। आ.वर्षमा कृषि क्षेत्रको विकासको लागि १ करोड २३ लाख रुपैयाँ विनियोजन गरेको छ । कृषि परिश्रमले नरैनापुर धानिएको नैरनापर–४ का वडाध्यक्ष दिनेशप्रसाद शर्माले बताए ।
‘त्यसैले बाख्रापालन, खेती किसानी र व्यावसायिक तरकारी खेती गर्ने किसानलाई अनुदान लक्षित योजना ल्याएका छौं,’ उनले भने, ‘कृषिलाई व्यवसायीकरण गर्न नयाँ आर्थिक वर्षमा पालिकाले किसान लक्षित योजना बनाएको हो । नरैनापुर–१ का बनिया महातनियाले कृषक पेन्सन कार्यक्रमबारे जानकारी पाउँदा खुसी लागेको पनि बताएका छन् तर कार्यान्यन के कसरी हुने हो हेर्न बाकी रहेको बताएका छन्।
