काठमाडौँ – बिहीबारको प्रतिनिधिसभा बैठकमा सांसदहरुले आफ्नो आफ्नो धारणा राख्दै सरकारलाई ध्यानाकर्षण गराएका छन्।
सांसद अतहर कमाल मुलसमानले ओली सरकारले वास्तविक गरीब सुकुम्बासीलाई लालपुर्जा वितरण नभएर बालुवाटार र भैसीपाटिका सुकुम्बासीलाई लालपुर्जा वितरण गर्न खोजेको भन्दै व्यंग्य गरेका थिए। उनले भने अब काङ्ग्रेसको सरकारले गरीब जनतालाई लालपुर्जा वितरण गर्ने बताउनु भयो। साथै अघिल्लो आयोगले भैसीपाटी र बालुवाटारका गरीब जनताले लालपुर्जा पाएको र अब काङ्ग्रेस सरकारले नयां आयोग गठन गरी बास्तबिक गरीब जनताको हातहातमा लालपुर्जा दिने बताउनु भयो।
सांसद आशाकुमारी बिकले आफ्नो धारणा राख्ने क्रममा जनप्रतिनिधिको आर्थिक अबस्था दिनदिनै परिबर्तन हुने भन्दै संघीय प्रदेश र स्थानीय जनप्रतिनिधिको सम्पति छानबिन गर्न माग गर्नुभयो।
सांसद कृष्णभक्त पोखरेलले नागरिकता सम्बन्धी विधेयक तत्काल ल्याउन माग गरे । सांसद केदार सिग्देलले यही आर्थिक वर्षभित्र भुमिहिन तथा सुकुम्बासीलाई लालपुर्जा वितरण गर्न सरकारसँग माग गर्नुभयोसांसद गणेशकुमार पहाडीले वर्तमान सरकारको साझा न्यूनतम कार्यक्रममा कालापानी, लिपुलेक, लिम्पियाधुरालाई नेपालको भन्न नसकेर समस्याको रुपमा उल्लेख गरेको भन्दै सरकारले कुटनीतिक पहल गर्न खुट्टा कमाएको बताए। त्यस्तै सांसद गोपालबहादुर बमले मुगुमा जिल्ला कारागार छिटो सञ्चालनमा ल्याउन माग गरे।
