काठमाडौं, ३१ साउन । रमेश लेखकले पार्टीको १४औं महाधिवेशन नयाँ सार्वनिक कार्यतालिकाअनुसार नै समयमा हुने बताएका छन् । उनले कोभिटको कारण यस अघि महाधिबेसन कार्यतालिका अनुअसार नभएको जिकिर गरे ।
आज (आइतबार) रिपोर्टर्स क्लब नेपालले आयोजना गरेको साक्षात्कारमा बोल्दै लेखकले हिजो केन्द्रीय समिति बैठकले सर्वसम्मतीले सार्वजनिक गरेको कार्यतालिकाबमोजिम नै काम हुने बताएका छन् । उनले हिजो सार्वजनिक गरिएको महाधिवेशनको नयाँ कार्यतालिका संविधानसम्मत् नै रहेको पनि दाबी गरे ।
क्लबका सभापति ऋषि धमलाको सभापतित्वमा आयोजित साक्षात्कारमा बोल्दै उनले क्रियाशिल सदस्यताको विवाद अब बाँकी नरहेको पनि जिकिर गरे । उनले भने,‘हामीले ९७/९८ प्रतिशत काम सम्पन्न गरेर दिएका छौं। अधिकांश काम सम्पन्न गरेका छौं । छोटो समयमा हामीले काम सम्पन्न गरेर केन्द्रीय नेतृत्वलाई प्रतिवेदन बुझाएका छौं । ७५ जिल्लाको क्रियाशिल सदस्य त प्रिन्ट भैसकेको छ।
