बाध्य भएर नयाँ पार्टी गठन गरेको खुलासा-माधब नेपाल

कृष्ण राना

८ भाद्र २०७८, मंगलवार १५:४४ प्रकाशित

काठमाडौं, ८ भदौ । प्रस्तावित नेकपा एकीकृत समाजवादीका अध्यक्ष माधव कुमार नेपालले आफूहरुले बाध्य भएर नयाँ पार्टी गठन गरेको बताएका छन् । केपी शर्मा ओलीले कहिल्यैपनि ईमानदारिताका साथ बार्ता गर्न तयार नभएको आरोप लगाएका छन् । तर, आफूहरुले भने ईमानदारीपूर्वक वार्ता र लचकता अपनाएको उनले बताए। उनले ओलीले आफूहरुलाई वार्ताको नाटक गरेर अलमल्याउन झुक्याउन खोजेको स्मरण गराए ।

एमालेमा केपी ओलीले आफ्नो प्रशंसा नगर्ने र उनलाई बा नभन्नेहरुलाई शत्रु र विरोधी ठानेको उनको टिप्पणी थियो। उनले भने,‘उहाँले पार्टीलाई निजी कम्पनीको रुपमा ठान्दा ठूलो समस्या भएको बताए। हामीले एमाले एकताबद्ध होला भनेका थियौं ।’ केपी ओलीले पार्टीलाई ठीक ढंगबाट चलाउन नसकेकोले समस्या उत्पन्न भएको उनले बताएका छन् ।

नयाँ दलको राजनीतिक दस्तावेजमाथि छलफल गर्ने ध्ययले आफूहरु चन्द्रागिरी रिसोर्टमा आएको पनि बताए। उनले भने,‘त्यही भएर हामी शान्त भएर आएका र घोषणापत्रको बारेमा छलफल चलाईराखेको बताए। यसबारेमा अहिले समूहगत रुपमा बिधान तथा निमावाली बारे छलफल हुन्छ ।