भदौ, विराटनगर । छिमेकमा भएको घरझगडा मिलाउन गएका मिक्लाजुङ गाउँपालिका–७ का ४३ वर्षीय धनराज लिम्बुको हत्या आरोपमा प्रहरीले चार जना पक्राउ परेका छन्। मोरङको मिक्लाजुङमा पारिवारिक झगडा मिलाउन गएका एक व्यक्तिको हत्या गरेको आरोपमा प्रहरीले चार जनालाई पक्राउ गरेको जनाएको छ ।
मिक्लाजुन गाउँपालिका–६ भण्डारी टोल बस्ने ३३ वर्षीय रविन तामाङ, २५ वर्षीय सञ्जय तामाङ, ३० वर्षीय आइतराज तामाङ र ४० वर्षीय भाग्य बम्जन पक्राउ परेका छन् ।पक्राउ पर्नेमा रविन आइतराज र सञ्जय दाजुभाइ हुन् भने बम्जन रविनका जेठान पर्छन।
जिल्ला प्रहरी कार्यालय मोरङका प्रवक्ता डीएसपी दीपक श्रेष्ठका अनुसार रविनका जेठान भाग्य बम्जन, दुर्गाबहादुर कार्की र मृतक लिम्बु रविनको डेरामा झगडा मिलाउन पुगेका थिए। झगडा मिक्लाजुङ–६ का ३३ वर्षीय रविन तामाङ र उनकी श्रीमती निरुताबीच भदौ ३ गते बेलुका भएको थियो।
बम्जन मासु पसल छ । पसलमा आएका कार्की र लिम्बुलाई उनले साथी लिएर बहिनीको डेरामा पुगेका रहेछन । रविन र निरुता मिक्लाजुङ–७ भण्डारी टोलमा डेरामा बस्दै आएका थिए। झगडा गर्न हुदैन भन्दै आग्रह गर्दा रविन, आइतराज र सञ्जयले लिम्बु र कार्कीमाथि दाउरा प्रहार गरेका थिए ।
पारिवारिक झगडामा बाहिरका मान्छे आएको भन्दै आक्रमण गरेपछि गम्भीर घाइते भएका लिम्बुलाई उपचारका लागि विराटनगरस्थित विराट नर्सिङ होम अस्पतालमा शनिबार राति उनको मृत्यु भएको छ।
कुटपिटबाट सामान्य घाइते भएका दुर्गाबहादुर भने उपचारपछि घर फर्किसकेको प्रहरीले जनाएको छ ।
डीएसपी श्रेस्ठका अनुसार घटनामा संलग्न भएको आरोपमा पक्राउ परेका चारै जनालाई कर्तव्य ज्यान मुद्दामा ८ दिनको म्याद थप गरी राखिएको बताएका छन् ।
