काठमाडौं, ८ भदौ। अध्यक्ष केपी शर्मा ओलीले स्थायी कमिटी सदस्य नियुक्त गरेका पूर्वमाओवादी नेताहरु पुगेसँगै १० बुँदे सहमति कार्यान्वयन नहुने निश्चित भएको हो ।
ओलीले १० बुँदे सहमति गर्दा २ जेठ २०७५ को अवस्थाको संरचना अनुसार पार्टीलाई बढाउने भनेका छन्। जस अनुसार नवौं महाधिवेशनबाट निर्वाचित कमिटी र त्यसपछि २ जेठ २०७५ सम्म विभिन्न कमिटीहरुमा नियुक्तहरु मात्र रहने बताएका छन्। तर, माओवादीबाट प्रवेश गरी विभिन्न कमिटीमा रहेकाहरुलाई स्थान दिन नहुनेमा माधव नेपाल खेमाका नेताहरु भएपनि केपीको हटका कारण त्यो सम्भब भएन।
भीम रावललगायतका नेताहरु पनि २ जेठ २०७५ को अवस्थामा एमालेलाई फर्काएर मात्र कस्लाई स्थायी कमिटीमा लाने निर्णयमा पुग्नुपर्ने पक्षमा रहे पनि ओलीले भने पूर्वमाओवादी नेताहरुलाई समेत स्थायी कमिटी बैठकमा सहभागी गराएर १० बुँदे सहमति कार्यान्वयन नगर्ने सन्देश दिएका वली केही बुँदाहरु संशोधनसहित मात्र कार्यान्वयन गर्ने रणनीति लिएको बताए।
