काठमान्डौ : नेपाली कांग्रेसका नेता डा शेखर कोइरालाले व्यंग्यात्मक शैलीमा आफ्नो नाम क्रियाशील सदस्यता सूचीमा भए नभएको थाहा पाउनुपर्ने माग गरेका छन्।सानेपामाआज जिल्ला सभापतिहरुले शुरु गरेको धर्ना कार्यक्रमलाई सम्बोधन गर्दै नेता कोइरालाले क्रियाशील सदस्यता विवाद अन्त्यका लागि सूची सार्वजनिक गर्नुपर्ने बताए।
कोइरालाले सभापति एवं प्रधानमन्त्री शेरबहादुर देउवालाई आफ्नो नाम सूचीमा छ कि छैन भनी प्रश्नसमेत गरे। ‘केन्द्रीय सभापतिलाई सोध्नु पर्ला क्रियाशील सदस्यता सूचीमा मेरो नाम छ कि छैन? हामी सबै एक ठाउँमा छौ। क्रियाशील सदस्यता हामीले हेर्न पाउनु पर्छ। गलत भए सच्याउन पनि पाउनुपर्छ।
जिल्ला सभापतिहरुको मागमा आफ्नो समर्थन रहेको र त्यो केन्द्रीय समितिले सम्बोधन गर्नुपर्ने माग शेखरको रह्यो। त्यसैगरी जिल्ला सभापति बन्न फरकफरक प्रावधान राखेकोमा पनि उनले आपत्ति जनाएका छन्।
‘दुईटा प्रावधान राखेको छ जिल्ला सभापति बन्न। उनको प्रश्न थियो। एक क्षेत्रमात्र भएकोले क्षेत्रीय सभापतिलेमात्र लड्न पाउने हो।
कोइरालाले कांग्रेसको परिस्थिति आफ्नै भवनमा पनि बैठक राख्न नसक्नु दुखद भएको बताए। ‘परिस्थिति कतिसम्म बिग्रिसकेको छ कि यत्रो भवनमा पार्टीको केन्द्रीय सदस्य बैठक बस्न सकेका छैनौ। यो भन्दा ठुलो दुर्भाग्य के हुन्छ।
