काठमाडौं । नेकपा (एमाले)अब सग्लो त रहेन, आखिर विभाजित भएरै छाड्यो । वरिष्ठ नेताद्वय माधवकुमार नेपाल र झलनाथ खनाल समूहले नेकपा (एकीकृत समाजवादी) नामको दल निर्वाचन आयोगमा दर्ता गराएर दर्ताको प्रमाणपत्रसमेत हात पारिसकेको छन्।यसबीचमा एमाले एकताका लागि भन्दै नेताहरुले गरेको प्रयास सफल हुन सकेन।पार्टी फुटाएर आफूलाई ‘एकीकृत’ भनेको नेपाल–खनाल समूहका नेताले भने अबको चार महिनामा मुलुककै ठूलो पार्टीका रुपमा आफ्नो दल उभिने अनौठो दाबी समेत प्रस्तुत गर्दै आइरहेका छन् । दल दर्ताको प्रमाणमत्र लिँदै ‘हाम्रो पहिलो काम बृहत् कम्युनिष्ट एकता हो’भनेको एकीकृत समाजवादीले अबको कदम कसरी अगाडि बढाउँने हो यो हेर्न बाँकी छ ।नेपाल–खनालको पूर्वदल नेकपा (एमाले) का नेताहरुले भने एकीकृत समाजवादीको यो दाबीलाई ‘फुइँ’ मात्रैको रूपमा अर्थ्याएका छन् । बरु एकीकृत समाजवादीका अध्यक्ष माधवकुमार नेपाल आफैं एमालेमै फर्किने एमाले नेताहरुको ठोकुवा गर्दै आएका छन् । ‘माधवकुमार नेपालजी, ढिलाचाँडो एमालेमै फर्किनुहुन्छ, नेता लालबाबु पण्डित भन्छन् ‘अहिल्यै मिति तोक्न त सकिँदैन । तर, फर्किनु चाहिँ उहाँ फर्किनुहुन्छ । भन्दै दाबी समेत गर्नु भयो ।
