१० भदौ काठमाडौं। नेकपा एमालेका अध्यक्ष केपी शर्मा ओलीका लागि २०७८ साल सुखद रहेन । उनले २०७८ साल लागेपछि निरन्तर शक्ति गुमाइरहेका छन् ।ओलीलाई यो वर्ष एकपछि अर्को धक्का लागिरहेको छ । ओलीले बहुमत अनौपचारिक रुपमा गुमाइसकेका थिए । तर, औपचारिक रुपमा यो वर्ष नै गुमाईसकेका छन् । जसका कारण शक्ति झर्दै गयो।ओलीलाई गण्डकीको धक्का लागेको केही समयमै केन्द्रमै सरकार ढल्यो । सर्वोच्च अदालतको संवैधानिक इजलासले शेरबहादुर देउवालाई प्रधानमन्त्री बनाउने परमादेश नै जारी गरेको थियो । अदालतको परमादेशपछि सरकार स्वतः ढलेर शेरबहादुर देउवा नेतृत्वको सरकार गठन पनि भयो ।लुम्बिनी प्रदेशमा ओलीका विश्वासपात्र शंकर पोखरेल नेतृत्वको सरकार ढल्यो । लुम्बिनीको शक्तिसंघर्षमा ओली पक्ष कमजोर भयो । माओवादीका नेता कुलप्रसाद केसी मुख्यमन्त्री बने ।२०७८ भदौ ९ मा एमाले विभाजित भयो । निर्वाचन आयोगले एमाले विभाजन भई बनेको नेकपा एकीकृत समाजवादीलाई मान्यता प्रदान गर्यो । देशको सबैभन्दा ठूलो दल फुट्दा ओली त्यसका अध्यक्ष छन् । उनले पार्टीबाट ठूलो शक्ति गुमाइसकेका छन्।बागमती र प्रदेश १ मा मुख्यमन्त्री परिवर्तनका बाबजुद सरकार टिक्न कठिन छ । आफ्ना विरोधी समूहकालाई नै मुख्यमन्त्री दिनुपर्ने वाध्यता ओलीसामु आइपुग्यो । उनले माधव नेपालको शक्तिसंघर्षका क्रममा निरन्तर गुमाउँदै गए । तर, माधव नेपाललाई कुनै हालतमा एमालेमा ठाउँ नदिने दृढनिश्चय पूरा गर्न जे जे गुमाउन पनि तयार भएका थिय।
