दैलेखको गुराँस गाउँपालिका ८ छाेटेपाेखरामा शिक्षकको घाँटी रेटेर हत्या गरिएको छ । गुराँस गाउँपालिका छोटेपोखरामा अध्यापन गराउदै आउनु भएका विसीको गएराती घाँटी रेटेर हत्या गरिएको स्थानीय भुपेन्द्र वलिले जानकारि दिनुभयो ।
४१ वर्षीय विसी मालिका माध्यमिक विद्यालयमा सामाजिक विषयका शिक्षक हुनुहुन्थ्यो । घटनाको प्रकृति हेर्दा शिक्षक बि सिलाई लखेटेर विद्यालयमै पुगेपछि घाँटी रेटेर हत्या गरेको हुनसक्ने स्थानीय भुपेन्द्र ओलीले जानकारी दिनुभयो ।
विसी गएराति ११ बजेसम्म छोटेपोखराको एक किराना पसलमा बसेको र त्यसपछि घटना भएको हुनसक्ने ओलीको अनुमान छ ।
अहिले प्रहरीको टोलि अनुसन्धानका लागि घटनास्थलमा पुगेको छ । प्रहरीले किराना पसलका सञ्चालक र एक अर्का युवालाई प्रहरीले नियन्त्रणमा लिएको छ । विहान दुध पु¥याउन आएका स्थानीयहरुले स्कुलको बराण्डामा शव देखेपछि प्रहरीलाई खवर गरेका थिए ।जिल्ला प्रहरी कार्यालय दैलेखका प्रहरी प्रमुख अनुप श्रेष्ठले घटनाबारे अनुसन्धान भइरहेको र केही शंकास्पद व्यक्तिहरुलाई नियन्त्रणमा लिएको बताउनुभयो। ‘घटनाबारे थप अनुसन्धान भैईरहेकाे उहाँले जानकारी दिनु भयाे।
