नेकपा एमाले अध्यक्ष ओली बुटवलमा

पूर्ण खडका

३० भाद्र २०७८, बुधबार १२:२३ प्रकाशित

भदौ–३० बुटवल । नेकपा एमालेका अध्यक्ष एवम् पूर्व प्रधानमन्त्री केपी शर्मा ओलीले एमाले कार्यकर्तालाई आज बुटवल सम्बोधन गर्दैहुनुहुन्छ ।
उहाँले बुटवलको देवीनगर एन्फा मैदानमा हुने भेलामा जिल्लाका १६ वटै स्थानीय तहका १५ हजारभन्दा बढी सहभागी हुने बताउनु भयो ।

भेलालाई पार्टी अध्यक्ष ओलीसहित उपमहासचिवद्वय विष्णुप्रसाद पौडेल र घनश्याम भुसाल, स्थायी कमिटी सदस्य टोपबहादुर रायमाझी, केन्द्रीय सदस्य महेश बस्नेत लगायतले सम्बोधन गर्ने कार्यक्रम तय भएको छ ।

यसअघि आफ्नो गृहजिल्ला झापामा कार्यकर्तालाई सम्बोधन गर्दै उहाँले केही दिन कार्यकर्ता भेलामा नै व्यस्त रहने बताउनु भएको थियो ।
सभामुख अग्नी सापकोटाको भूमिकाका कारण एमालेले संसद अवरोध गर्दै आएको समेत उहाँको भनाइ छ ।