भदौ ३१ सुर्खेत। भेरी नदिमा हाम फाल्ने महिलाको पहिचान खुलेको छ । तिलागुफा नगरपालिका–६ कालिकोटका ३१ वर्षीया महिला अमिला दमाई रहेको प्रहरीले जनाएको छ ।
वीरेन्द्रनगर ११ स्थित भेरी नदी किनारामा छाता, मोबाईल र कपडा राखेर नदीमा हाम फाल्दा उनी नदिमा बेपत्ता भएकी हुन् ।
Advertisement
मलामी गएकाहरुले देखेपछि प्रहरीलाई खवर गरेका थिए ।
ईलाका प्रहरी कार्यालय छिन्चु र प्रहरी चौकी सुब्बाकुनाबाट गएको टोलीले घटनास्थलमा भएका कागजातका आधारमा उनको पुष्टि गरेको हो ।
प्रहरीले नदीमा हाम फालेर वेपत्ता भएकी अमिलाका दाजु प्रकाश परियारसँग सम्पर्क गरेको होे । उनका दाजु प्रकाशले आफ्नो बहिनी रहेको प्रहरी समक्ष बताएका छन् ।
प्रहरीले नदीमा वेपत्ता भएकी अमिलाको खोजी कार्य जारी रहेको भन्दै पानीको बहाव उच्च भएको भन्दै भेटाउन ढिलाइ भएको जनाएको छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
