असोज – ३ । कोरोना कहरकाबिच आज संविधान दिवस विभिन्न कार्यक्रम गरि मनाईँदै छ ।
नेपालको इतिहास मै पहिलो पटक जननिर्वाचित संविधान सभाबाट जारी भएको संविधानले ६ वर्ष पूरा गरेको छ।
यो संविधान २०७२ साल असोज ३ गते तत्कालीन राष्ट्रपति डा. रामवरण यादवले संविधान सभाबाट जारी गर्नुभएको हो ।
संविधानले परिकल्पना गरेको सङ्घीय गणतान्त्रिक राज्य व्यवस्था स्थापित भएर संघ, प्रदेश र स्थानीय सरकार निर्माण भएका छन्।
तर संविधानको प्रभावकारी कार्यान्वयन हुन नसक्दा जनताको दैनिक जीवनस्तरमा भने खासै परिवर्तन आउन सकेको छैन।
संविधानले मुलुकका सबै जाति, लिङ्ग, महिला, दलित, भाषाभाषी, मधेशी, सिमान्तकृत सबै बर्गको अधिकार सुनिश्चित गरेको छ।
संविधान बमोजिम कानून निर्माण गर्ने प्रक्रिया जारी नै रहेकाले उनीहरुले अधिकार कागज मै सिमित बनेको सरोकारवालाले गुनासो गरेका छन् ।
संविधानमा व्यवस्था गरिएका ३१ वटा मौलिक हकको तीन वर्षभित्र कानून बनाएर कार्यान्वयन गर्ने भनिएपनि काम हुन सकेको छैन ।
अझै पनि आवास र खाद्य जस्ता आधारभून अधिकार समेत जनताले राम्रोसंग उपभोग गर्न पाएका छैनन ।
