काठमाडौं –४ असाेज । प्रतिनिधि सभाको बैठक आज बस्दैछ । विहान ११ बजेपछि बस्ने बैठकमा बजेट पारित प्रक्रिया अघि बढाउने कार्यसूचि रहेकाे छ । संसद सचिवालयले बैठकका लागि विनियोजन विधेयकबारे छलफल लगायतका सम्भावित ६ वटा कार्यक्रम तय गरिएको छ । बैठकमा अर्थमन्त्री जनार्दन शर्माले व्यवस्थापन कार्यमार्फत चारवटा विधेयक प्रस्तुत गर्नेछन् ।
मन्त्री शर्माले विनियोजन विधेयक, आर्थिक विधेयक र राष्ट्र ऋण उठाउने विधेयक विचार गरियोस् भन्नका लागि प्रस्ताव र आर्थिक विधेयकमा दफाबार छलफलको मिति तोक्न प्रस्ताव पेस गर्नेछन् । यस्तै सभामुख अग्निप्रसाद सापकोटाले विनियोजन विधेयक, २०७८ अन्तर्गत विभिन्न मन्त्रालय, कार्यालय एवं सचिवालयका विभिन्न शीर्षकमा सांसद प्रेम सुवालबाट प्रस्तुत खर्च कटौतीका प्रस्तावलाई निर्णयार्थ बैठकमा प्रस्तुत गर्नेछन् ।
गत बुधबारदेखि मुलुक बजेटविहीन अबस्थामा छ । सरकारले ल्याएको प्रतिस्थापन विधेयक संसदमा विचाराधीन रहेको र अघिल्लो सरकारले अध्यादेशबाट ल्याएको बुधबार रातिबाट निष्क्रिय भएपछि ‘मुलुक बजेट होलिडेको अवस्थमा पुगेको हो ।
