काठमाडौं १०, असोज। मन्त्रिपरिषद विस्तारका लागि सहमति जुटाउन आइतबार बिहान प्रधानमन्त्री निवास बालुवाटारमा सत्ता गठबन्धनको बैठक बस्ने भयको छ। बैठकमा अध्यादेशको खारेजी र मन्त्रिपरिषद विस्तारबारे छलफल हुने भयको छ ।
आइतबार बिहान १० बजेको समय तोकेर बोलाइएको गठबन्धन बैठकमा प्रधानमन्त्री शेरबहादुर देउवा, माओवादी अध्यक्ष प्रचण्ड, नेकपा एकीकृत समाजवादीका अध्यक्ष माधव कुमार नेपाल र जनता समाजवादी पार्टी (जसपा) का अध्यक्ष उपेन्द्र यादव लगायतको सहभागिता रहनेछ ।
आजको बैठकमा राजनीतिक दल विभाजन सम्बन्धी अध्यादेश खारेज गरी मन्त्रिपरिषद विस्तार गर्ने विषयमा छलफल हुने जसपा अध्यक्ष उपेन्द्र यादवले जानकारी गराउनु भयो । ‘प्रधानमन्त्रीजीले गठबन्धनको बैठक बोलाउनुभएको छ । अब दुई–चार दिनमै मन्त्रिपरिषद विस्तार हुन्छ ।’
योबीचमा अध्यादेश खारेजी र मन्त्रालयको भागबण्डा टुंगिने यादवको भनाइ रहेको छ । सर्वोच्च अदालतले अन्तरिम आदेश जारी नगरेर मन्त्रिपरिषद विस्तारका लागि सजिलो पारिदिएको यादवले बताउनु भयो ।
नेकपा (एकीकृत समाजवादी) को वैधानिकता माथि प्रश्न उठाउँदै एमालेका अध्यक्ष केपी शर्मा ओलीले निर्वाचन आयोग, सभामुखलगायतलाई विपक्षी बनाएर रिट दायर गरेका थिए ।
उक्त रिट निवेदन किनारा लागे पछि अध्यादेश खारेजी र मन्त्रिपरिषद विस्तार गर्नुपर्ने एकीकृत समाजवादीका अध्यक्ष माधव नेपालको अडान रहँदै आएको थियो ।
तर, अध्यादेशविरुद्ध अन्तरिम आदेश माग गर्दै परेको अर्को एउटा रिटमा सर्वोच्च अदालतले अन्तरिम आदेश दिन अस्वीकार गरेकाले अब मन्त्रिपरिषद विस्तारको बाटो खुलेको यादवको तर्क रहेको छ ।
जसपा अध्यक्ष यादव केन्द्रीय कमिटी वा संसदीय दलमा २० प्रतिशत भए पार्टी विभाजन गर्न पाउने अध्यादेश खारेज नगरी मन्त्रिपरिषद विस्तार गर्न नहुने पक्षमा हुनुहुन्छ । उता माधव नेपाल अध्यादेश खारेज हुँदा आफूलाई अप्ठ्यारो पर्ने त्रासमा परेका छन्। र, यही कारणले गर्दा सरकार बनेको ७५ दिनसम्म मन्त्रिपरिषदले पूर्णता पाउन सकेको छैन ।
असार २९ गते काँग्रेस सभापति शेरबहादुर देउवाले प्रधानमन्त्रीको जिम्मेवारी सम्हाल्दा चार जना मन्त्री पनि नियुक्त गर्नु भयको थियो । काँग्रेसबाट बालकृष्ण खाँण गृह, ज्ञानेन्द्र कार्की कानुन र माओवादीबाट जनार्दन शर्मा अर्थ र पम्फा भुसाल ऊर्जा मन्त्री मा निउक्ति गर्नु भयको थियो ।
प्रधानमन्त्री देउवाले साउन १० गते काँग्रेसबाट उमेश श्रेष्ठलाई स्वास्थ्य राज्यमन्त्री बनाएको थियो । त्यसको करिब दुई महिनापछि असोज ५ गते डा. नारायण खड्कालाई देउवाले परराष्ट्रमन्त्री बनाउनु भयको छ ।
त्यसपछि फेरि मन्त्रिपरिषद विस्तारमा ब्रेक लागेको थियो ।
