काठमाडौं १०, असोज। नेकपा एकीकृत समाजवादी पार्टीकी सचिव रामकुमारी झाक्रीले आगामी निर्वाचनमा गुल्मीबाट प्रतिनिधिसभा सदस्य पदमा उम्मेदवार हुने घोषणा गरेकी छन् । सो क्षेत्रबाट प्रतिनिधिसभा सदस्यमा एमालेका सचिव तथा पूर्वमन्त्री गोकर्ण विष्ट निर्वाचित रहेका थिय। त्यसैले अबको चुनावमा झाक्री र विष्टबीच रोचक प्रतिस्पर्धा हुने खुलासा भयको छ ।
एउटै दलमा लामो समय रहेका यी दुवै जना युवा पंक्तिमा लोकप्रिय मानिका नेता हुन् । एमाले विभाजनपछि झाक्री नेकपा एकीकृत समाजवादी पार्टीमा सामेल भएकी हुन् भने विष्टचाहिँ एमालेमै समिल छन् । सत्तारुढ गठबन्धनका केही नेताहरुले आगामी निर्वाचनमा पाँच दलीय गठबन्धनको तालमेलका आधारमा उम्मेदवारी दिने घोषणा समेत गरेका छन् । यसका आधारमा पनि झाक्रीलाई नेपाली काँग्रेस, नेकपा माओवादी केन्द्र लगायतका दलले समर्थन गर्न सक्ने आँकलन गरिएको छ । उता, विष्ट भने एमालेकै मतदाताको भर पर्नुपर्ने देखियको छ ।
नेकपा एकीकृत समाजवादीका गुल्मी जिल्ला अध्यक्ष श्रीराम महतले भन्नु भयो आगामी चुनावमा सत्तारुढ गठबन्धन नबने पनि गुल्मी क्षेत्र नम्बर २ बाट आफ्नो पार्टीका तर्फबाट झाक्री नै उम्मेदवार हुने बताउनु भयको हो । ‘गत शुक्रबार काठमाडौंमा भएको गुल्मी–काठमाडौं सम्पर्क मञ्च गठन कार्यक्रममा उहाँले गुल्मीबाट चुनाव लड्ने उद्घोष गर्नु भएको थियो ,’ महतले भने, ‘सो कार्यक्रममा युवाहरुको सहभागिताले पनि उहाँका पछाडि धेरै युवा छन् भन्ने स्पष्ट हुन् आउछ ।’
उहाको अनुसार पार्टीले अब छिटै गुल्मीमा प्रथम जिल्ला सम्मेलन गर्दैछ । कुनै समय एमालेका कार्यकर्ता हिमाल थापा अहिले नेकपा एकीकृत समाजवादीमा प्रवेश गरी जिल्ला ईन्चार्जको भूमिकामा हुनुहुन्छ । उहा क्षेत्र नम्बर १ का प्रभावशाली युवा नेता पनि हुनुहुन्छ । झाक्री र थापाका कारण पनि जिल्लामा युवाको ठुलो पंक्ति नेकपा एकीकृत समाजवादीतर्फ आकर्षित भएको जिल्ला अध्यक्ष महतले बताउनु भयो ।
