असोज १३, सुर्खेत । कांग्रेसको १४ औं महाधिवेशनअन्तर्गत गाउँर/नगर अधिवेशनमा कर्णालीका ७९ स्थानीय तहमा ८ जिल्लाका ६२ वटा पालिकामा अधिवेशन सम्पन्न हुँदा पौडेलपक्ष अग्रस्थानमा रहेको छ । दुई जिल्ला सुर्खेत, र डोल्पाका १७ पालिकामा अझै अधिवेशन अनिश्चित रहेको छ ।
पछिल्लो समयसम्मको निर्वाचनको नतिजा अनुसार ६२ पालिकामध्ये ३४ पालिकामा पौडेलपक्ष अगाडि आएको छ भने २७ पालिकामा देउवा पक्ष नेतृत्वमा आएको छ ।यद्यपि जाजरकोटको भेरी नगरपालिकाका सभापति शशि बुढा भने कतै पनि खुलेका छैनन् ।
सल्यानका १० स्थानीय तहमा दुवै पक्षले बराबरी नतिजा हात पारेको छ । रुकुम पश्चिमका ६ वटा स्थानीय तहमा पौडेल पक्षको वर्चस्व देखिएको छ । ११ स्थानीय तह रहेको दैलेख जिल्लाका ६ पालिकामा पौडेल पक्ष नेतृत्वमा आएको छ भने ५ स्थानीय तहमा देउवा पक्षमा आएको छ ।
कर्णालीको अर्को जिल्ला कालीकोटमा सहमतिमै नेतृत्व चयन भएको छ । ९ स्थानीय तह रहेको कालिकोटमा ७ मा पौडेलपक्ष सर्वसम्मत रुपमा नेतृत्वमा आएको छ भने २ स्थानीय तहमा देउवा पक्ष देखियको छ ।
जाजरकोट जिल्लाका ७ वटा स्थानीय तहमा भने दुवै समूहको बराबरी नेतृत्व आएको छ । जुम्ला जिल्लाका ८ वटा स्थानीय तहमा पनि पौडेल पक्ष अगाडी देखिएको छ । जसअन्र्तगत ६ वटा स्थानीय तहमा पौडेल र २ वटामा देउवा पक्ष नेतृत्व्मा आएका छन् ।
७ वटा स्थानीय तह रहेको हुम्लामा भने देउवा पक्ष हाबी देखिएको छ । ६ वटा स्थानीयतह मा देउवा पक्ष अगाडि आएको छ भने १ मा पौडेलपक्षले हात पारेको छ । मुगुका ४ स्थानीय तहमा देउवापक्ष हाबी देखिन्छ जसमध्ये ३ वटामा देउवा पक्ष आएको छ भने १ मा पौडेल नेतृत्वमा आएको छ ।
