काठमाडौं : चितवन टाइगर्सले काठमाडौं किंग्स ११ माथि ३ विकेटको जित निकालेको छ। काठमाडौंले दिएको १४२ रनको लक्ष्यलाई चितवनले ७ बल बाँकी रहँदा १८.४ ओभरमा सात विकेट गुमाउँदै पूरा गर्यो । काठमाडौंले निर्धारित २० ओभरमा ८ विकेटको क्षतिमा १४१ रन बनाएको थियो।
यो जितसँगै चितवन टाइगर्स ६ टिम सम्मिलित इपीएलको शीर्ष स्थानमा उक्लिएको छ। त्यस्तै भैरहवा र पोखराको समान ३/३ अंक छ। दुबै टोलीको पहिलो खेल वर्षाका कारण रोकिएपछि १/१ अंक बाँडेका थिए। अहिले सम्म विराटनगर र ललितपुरले दुबै खेलमा हार व्यहोरेका छन्। काठमाडौं भने १ मा हार र १ मा जित निकाल्दै २ अंकका साथ चौथो स्थानमा रहेको छ।
