काठमाडाैं १६,असाेज। नेपाली कांग्रेसका नेता गगन थापाले अबको चुनावमा कसैसँग मिलेर नभइ एक्लै लडेर बहुमत ल्याउने बताउनु भएकाे छ ।
काठमाडौं नगरपालिकाको अधिवेशन उद्घाटन कार्यक्रममा थापाले १४ औं महाधिवेशनमा बाेल्दै एक्लै लडेर बहुमत ल्याउने बताउनु भएकाे हाे ।
साथै, काठमाडौं नगरपालिकाको अधिवेशनमा केन्द्रदेखि वडासम्म जनतामा आशा र भरोसा दिलाउन सक्ने नेता चाहिएको बताउनु भएकाे छ ।
‘हामीलाई चाहे खुल्ला मञ्च, सडक तथा संसद वा जनताको झुपडीमा गएर बोलेको कुरामा भरोसा दिलाउने कांग्रेस चाहिएको छ । नागरिकहरुको टुटेको मन जोड्ने काँग्रेस चाहिएको छ ।’नेता थापाले भन्नु भयाे ।
नेता थापाले आगामी तीन तहको निर्वाचनबाट कांग्रेस पहिलो पार्टी बनाउनुपर्नेमा जोड समेत दिनु भयाे। ‘कांग्रेसले कसैसँग मिलेर होइन एक्लै लडेर अबको चुनाव जित्ने हो । कम्युनिस्ट, मधेसवादी मिले भने पनि कांग्रेसले जित्ने गरी काम गर्नुपर्छ । हामीले पाँच वर्ष सरकार चलाउनका लागि एकलै बहुमत ल्याउनुपर्छ’ थापाले भन्नु भएकाे छ ।
