काठमाडौँ १७,असोज । सत्तारुढ गठबन्धनको कार्यदलको बैठक बालुवाटारमा जारी रहेको छ ।
गत बिहीबार गठबन्धनको बैठक बसेर मन्त्रालय भावण्डा र मन्त्रिपरिषद् विस्तार गर्न प्रधानमन्त्री शेरबहादुर देउवाले तयारी गरे पनि नेकपा एकीकृत समाजवादीका नेता माधव नेपाल विरामी भएपछि बैठक बसेको थियन ।
शीर्ष नेता रहेको गठबन्धन बैठकमा मन्त्रिपरिषद् विस्तारको निधो गर्नुअघि कार्यदललाई मन्त्रालय भागवण्डा टुंग्याउने कार्यादेश दिएपछि नेताहरु छलफलमा जुटेका छन् ।
कार्यदलले सम्भवत आजै मन्त्रालयको भागवण्डा टुंग्याएर शीर्ष नेताहरुलाई ब्रिफिङ गर्ने र सोमबारसम्म मन्त्रिपरिषद् विस्तार गर्ने कोसिस भइरहेको पनि जनाइएको छ ।
काँग्रेस महामन्त्री पूर्णबहादुर खड्का नेतृत्वका कार्यदलको बैठकमा माओवादी, नेकपा (एकीकृत समाजवादी) र जनता समाजवादी पार्टी (जसपा)का प्रतिनिधि सहभागी रहेका छन् ।
राजनीतिक दलसम्बन्धी अध्यादेश निष्क्रिय नबनाइ मन्त्रिपरिषद् विस्तार हुन नसकेपछि सरकारले राजनीतिक दलसम्बन्धी अध्यादेश फिर्ता लिइसकेको छ ।
गठबन्धनमा कांग्रेसले ७, माओवादी केन्द्र, नेकपा एकीकृत समाजवादी र जसपाले ५-५ मन्त्रालय राख्ने सहमति भइसकेको छ । तर, कुन मन्त्रालय कसले लिने भन्नेमा सहमति भने हुन सकेको छैन।
