सुर्खेत । अधिकाँश मानिसहरु यो दशैँमा सुर्खेतदेखी बाहिरि जानेहरु बडीरहेको पाईन्छ । बाहिर जाने यात्रुहरुको सुर्खेत बसपार्कमा अत्यधिक भीडभाड छ । त्यहीँ भीडको मौका छोपेर नक्कली टिकट काट्नेको पनि कमि छैन सुर्खेत बसपार्कमा अधिकांश मानिस बसपार्कमा टिकटका लागि पुग्ने गर्छन तर यहाँ तेस्तो भएन सुर्खेत बसपार्कमा दुई जना युवाहरुले नक्कली टिकट काटिरहेको अवस्थामा यातायात व्यवसायीहरुले पक्राउ गरेको छ । देउती नागरिक यातायात प्रा.लि.लोगो र छाप बनाएर नक्कली टिकट बसपार्क बाहिर काटिरहेको अवस्थामा व्यवसायीहरुले थाहा पाएपछि उनीहरुलाई पक्राउ गरेको हो ।
पक्राउ पर्नेमा दैलेख आठविस नगरपालिका–४ बस्ने २० वर्षीय प्रकाश शाही र वीरेन्द्रनगर–६ शनिहललाईन बस्ने वर्ष १९ का सञ्जु सुनार रहेका छन् । प्रहरीले उनीहरुको साथबाट एक ठेली नक्कली टिकट समेत बरामद गरेको छ । पक्राउ परेका व्यक्तिले दुई ओटा टिकट काटिसकेको प्रहरीले फेला पारेको छ । दुई टिकटमा सुर्खेतदेखी कालिकोट मान्मसम्म १८५० र सुर्खेत जुम्ला दुई हजार भाडा उल्लेख गरेका छन् । पक्राउ परेका व्यक्तिहरुलाई नगर प्रहरीको टोलीले नियन्त्रणमा लिएर अनुसन्धान गरिरहेको जानकारी दियको छ ।
यता, देउती नागरिक यातायात प्रा.लि.का सचिव रमेश खड्काले बसपार्कमा आफ्नो समितिको नाममा नक्कली टिकट जारी हुनु दुखी बनाएको बताएका छन् । ‘पक्राउ परेका दुवै व्यक्ति हाम्रो समितिमा आवद्ध छैनन्, समितिको वदनाम गर्ने उदेश्यले टिकट काटिएको हुनसक्छ छानविनको माग गर्दछु,’ खड्काले भने, ‘आम यात्रुहरुलाई देउती नागरिकको बसपार्कमा रहेको ८ नम्बर काउन्टरमै पुगेर टिकट काट्न अनुरोध गर्दछु ।’ आफ्नो प्रा.लि.ले बसपार्क टिकट काउन्टर बाहेक बाहिर कुनै पनि ठाउँबाट टिकट नकाटेको सचिव खड्काले जानकारी दिएका छन् ।
