कालिकोट । चार दिनदेखि अविरल बर्षाका कारण आएको पहिरोले अवरुद्ध भएको कर्णाली राजमार्ग शुक्रबार बिहानदेखी संचालनमा आएको छ ।
कर्णाली राजमार्ग अन्र्तगत खाँडाचक्र नगरपालिका–८ पिलीमा पहिलो जाँदा कालिकोट जुम्ला सडक खण्ड चार दिनदेखि अवरुद्ध रहेको थियो ।
सडकमाथिबाट ठुलो ढुङ्गा खसेको र ढुङ्गा पन्छाउन डोजरले नसकेपछि ड्रिल मेसिनद्वारा नेपाली सेना, सशस्त्र प्रहरी बल र नेपाल प्रहरीले बिष्फोट गरेर ढुङ्गा फुटाएका थिए । त्यसपछि अवरुद्ध राजमार्ग खुलाइएको हो ।
ठूला ढुंगा विस्फोट गरेर फुटाएर अवरुद्ध राजमार्ग खुलाइएको जिल्ला प्रशासन कार्यालय कालिकोटमा प्रमुख जिल्ला अधिकारी कृष्णप्रसाद आचार्यले बताएका छन् ।
त्यस्तै, अबिरल बर्षाका कारणले कर्णाली राजमार्ग र करिडोर जोड्ने खाँडाचक्र नगरपालिका–जितेगडामा रहेको फेरी बगाएको छ । बगाएको फेरी अछाम जिल्लाको पञ्चदेवल विनायक नगरपालिकाका–४ कुल्चेडामा भेटिएको छ ।
कर्णाली नदीमा रहेको फेरी बगाउँदा कालिकोट, बाजुरा, हुम्ला लगायतका क्षेत्रमा पुग्ने सवारी साधनलाई कर्णाली नदी वारपार गर्नका लागि समस्या भएको छ ।
यसभन्दा अघि पनि कर्णाली नदीको फेरी बगाएको थियो । बगाएको फेरी गत बैशाख महिनामा जडान गरिएको थियो । बगाएको फेरी कर्णाली प्रदेश सरकारको भौतिक पूर्वाधार विकास मन्त्रालयले पुर्न निर्माण गरेको थियो ।
