सल्यान । सल्यान प्रहरीले एक व्यापारी लुटपाट भएको जानकारी दिएको छ । जिल्लाको कपुरकोट गाउँपालिका-१ कालापातल भन्ने जंगलबाट व्यापारीको नगद ३ लाख रुपैयाँ र रा.१ ख २३९१ नम्बरको ट्रकको कागजपत्र, चाबी र मोबाइल लुटपाट गरेको अभियोगमा रोल्पा सुलिचौर बस्ने ३० वर्षीय तिलक विकलाई सोमबार दिउँसो प्रहरीले पक्राउ गरेको छ ।
नेपालगंजबाट तरकारी किन्न आएका तरकारी ब्यापारी सेराज हलुवाईलाई तिलक समेतका व्यक्तिहरुले उक्त जंगलमा खुकुरी देखाई ट्रक समेत तोडफोड गरी सेरोजको साथबाट नगद तथा ट्रकको कागजपत्र लुटपाट गरेको भन्ने खबर प्राप्त हुनासाथ प्रहरी चौकी कपुरकोटबाट खटिएको प्रहरीले लुटपाटमा संलग्न व्यक्तिहरुको खोजी गर्ने क्रममा तिलकलाई पक्राउ गरेको हो ।
Advertisement
लुटपाटमा संलग्न हाल फरार अन्य व्यक्तिहरुको खोजी गर्नुका साथै यस सम्बन्धमा प्रहरीले थप अनुसन्धान गरिरहेको छ ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
