Advertisement

काठमाडौं- बैतडीमा १० जना सवार डुंगा दुर्घटना भएको छ। शिवनाथ गाउँपालिका वडा नम्बर १ स्थित महाकाली नदीको खाँड घाटमा डुंगा पल्टिँदा एक जनाको मृत्यु भएको छ भने एक जना बेपत्ता भएका छन्।

गाउँपालिकाकी उपाध्यक्ष कुस्मा चन्दले बुधबार साँझ करिब ६ बजेतिर भएको दुर्घटनामा बालिकाको मृत्यु भएको जानकारी दिएकी छन्। मृतकको नाम र उमेर खुल्न नसकेको उनले बताइन् । त्यस्तै एक जना बालक बेपत्ता रहेको र उनको पनि नाम र उमेर खुल्न नसकेको चन्दले बताइन्।

Advertisement

उनका अनुसार अन्य ८ जना सकुसल रहेका छन्। डुंगामा ५ जना चालकसहित १० जना सवार रहेका थिए। डुंगा भारतीय किनारातिर पुग्नै लाग्दा पल्टिएको बताइएको छ।

Advertisement