प्रधानमन्त्री देउवा बेलायत प्रस्थान

राष्ट्रिय संञ्चार

१२ कार्तिक २०७८, शुक्रबार ११:१७ प्रकाशित

काठमाडौं । प्रधानमन्त्री शेरबहादुर देउवा जलवायु परिवर्तनसम्बन्धी अन्तर्राष्ट्रिय सम्मेलन (कोप २६) मा भाग लिन बेलायत प्रस्थान गर्नु भएको छ ।

प्रधानमन्त्री देउवाले २० सदस्यीय प्रतिनिधिमण्डलको नेतृत्व गर्दै शुक्रबार बिहान बेलायतको लन्डन प्रस्थान गर्नु भएको हो । स्कटल्यान्डको ग्लास्गोमा आयोजना हुने सम्मेलनमा देउवाले सम्बोधज गर्ने कार्यक्रम रहेको छ ।

कोप २६ को साइड लाइन वार्तामा देउवाले भारतीय समकक्षी नरेन्द्र मोदीसँग भेटवार्ता गर्ने कार्य रहेको बताइएको छ ।

प्रधानमन्त्री देउवा १७ कात्तिकमा नेपाल फर्कने तय रहेको छ । उहाको अनुपस्थितिमा गृहमन्त्री बालकृष्ण खाँणलाई कार्यबाहक प्रधानमन्त्रीको जिम्मेवारी दिइएको छ ।