टी २० विश्वकपमा आज दुई खेल हुदै

राष्ट्रिय संञ्चार

१४ कार्तिक २०७८, आईतवार १३:०४ प्रकाशित

आईसीसी टी २० विश्वकपमा आज समूह ‘बी’मा दुई खेल हुने भएका छन् । आज हुने पहिलो खेलमा पौने ४ बजे नामिबिया र अफगानिस्तान भिड्ने छन् भने दोस्रो खेलमा पौने ८ बजे भारत र न्युजिल्याण्ड भिड्ने भएका छन् ।

आज प्रतिस्पर्धामा उत्रने टिममध्ये भारत, अफगानिस्तान र न्युजिल्याण्ड यसअघि नै पाकिस्तानसँग पराजित भइसकेका छन्। समूह बीमा पाकिस्तान, भारत, न्युजिल्याण्ड, अफगानिस्तान, स्कटल्याण्ड र नामिबिया रहेका छन् ।

आज हुने दोस्रो खेलमा प्रतियोगिताको उपाधिको बलियो दाबेदार मानिएका भारत र न्युजिल्याण्ड दवाबका साथ मैदान उत्रने भएका छन्। दुई टोलीले आआफ्नो पहिलो खेलमा पाकिस्तानसँग हार ब्यहोर्दा सेमिफाइनल प्रवेशका लागि जित्नपर्ने दवाबमा रहेका छन्।