नेपाली कांग्रेसका महामन्त्री डा. शसांक कोइरालाले सभापति शेरबहादुर देउवालाई सभापतिबाट विदा दिनुपर्ने बताएका छन्। आइतबार नेपाली कांग्रेस महाभारत गाउँकार्यसमितिको आयोजनामा भएको शुभ दिपावली, छठ र नेपाल संसदको अवसरमा शुभकामना आदनप्रदान कार्यक्रमलाई सम्बोधन गर्ने क्रममा कोइरालाले यस्तो बताउनु भएको हो । ‘अहिले नेपाली कांग्रेसका सभापति शेरबहादुर देउवा हुनुहुन्छ, मेरो व्यक्तिगत विचारमा उहाँलाई आउदो महाधिवेशनमा विदा गर्नुपर्छ ।’
महामन्त्री कोइरालाले भने, ‘अवको नेतृत्व परिवर्तन हुनु पर्छ ।, युवाहरूलाई आकर्षित गर्ने नेतृत्वको आवश्यकता छ । त्यस्तो नेतृत्व चुन्नु पर्छ ।’ नेपाली कांग्रेसको नेतृत्वमा परिर्वतन गर्नुपर्ने कोइरालाले बताएका हुन् । अवको दिनमा युवाहरूलाई स्थान दिनुपर्ने उनको भनाई रहेको छ । ४० वर्ष भन्दा कम उमेरका युवाहरूलाई आकर्षित गर्दै ४० देखि ६० वर्षभित्रका युवाहरूले नेतृत्व गर्नुपर्ने उनले बताएका छन् ।
सोही कार्यक्रममा कोइरालाले नेपाली कांग्रेसलाई कुनै पनि पार्टीले हराउन नसक्ने कुरा समेत बताएका छन् । कांग्रेस एकजुट नभएका कारण कांग्रेसलाई कांग्रेसले नै हराउने उनले बताएका छन् । ‘नेपाली कांग्रेसलाई एमाले, माओवादी लगायत कुनै पनि पार्टीले हराउन सक्दैन, कांग्रेसलाई निर्वाचनमा कांग्रेसले नै हराउछ ।’ उनले भने, ‘आगामी हुने महाधिवेशनबाट हामी सबै एकजुट हुनुपर्छ । त्यस्तो खालको नेतृत्व चयन गर्नुपर्छ, त्यसपछि कांग्रेसलाई कस्ले छुनु सक्छ ?’
हेलिकोप्टर चार्टर गरेर महाभारत पुगेका महामन्त्री कोइरालाले महाभारत प्रकृतिले भरिपूर्ण शुन्दर ठाउँ रहेको बताएका छन् । त्यस भेगको विकासको लागि सडक बाटोको मात्र आवश्यकता रहेको उनले बताएका छन् । सहज सडक सञ्जालको लागि नेपाली कांग्रेसको नेतृत्वमा सरकार भएकोले मन्त्रीलाई भेटेर आग्रह गर्ने समेत उनले बताएका छन् ।
