सुनसरी, गढी गाउँपालिका-६ स्थित कोशी इँट्टा उद्योगमा पानी जमेको खाल्डोमा डुबेर २ जना बालकको मृत्यु भएको छ ।
खाल्डोमा डुबेर उक्त इँट्टा भट्टाका कामदार भारतीय नागरिक सरोद बरमडका ४ वर्षीय छोरा दीपु बरमड र मिथु बरमडका ४ वर्षीय छोरा पियाउ बरमडको मृत्यु भएको हो ।
उक्त स्थानमा खेल्ने क्रममा डुबेका उनीहरूको उद्धार गरी उपचारको लागि जिल्ला अस्पताल ईनरुवातर्फ लैजाने क्रममा बाटोमै मृत्यु भएको हो ।
घटना सम्बन्धमा थप अनुसन्धान भइरहेको जिल्ला प्रहरी कार्यालय सुनसरीले जानकारी दिएको छ ।
यस्तै सप्तरी, अग्निसाईर कृष्णसावरण गाउँपालिका-२ सितापुरस्थित पोखरीमा नुहाउने क्रममा डुबेर सोही ठाउँ बस्ने प्रदीप चौधरीकी ११ वर्षीया छोरी प्रतिज्ञा चौधरीको आइतवार दिउँसो मृत्यु भएको हो ।
धनुषा, क्षिरेश्वरनाथ नगरपालिका-१० प्रस्टोकी बस्ने रंजित यादवकी छोरी २६ महिनाकी दिपाली यादवको घर नजिकै रहेको पोखरीमा डुबेर आइतवार साँझ मृत्यु भएको छ ।
