श्रीमतीको दाहसंस्कार गरेर फर्किरहेका पति,छोरा-छोरी दुर्घटनामा परि मृत्यु

कृष्ण राना

३० कार्तिक २०७८, मंगलवार १५:४० प्रकाशित

एजेन्सी । बलिउडका दिवंगत अभिनेता सुशान्त सिंह राजपूतका पाँच जना नातेदारहरुको सडक दुर्घटनामा परि मृत्यु भएको छ। भारतको बिहार राज्यको लखीसरायमा सुमोलाई ट्रकले ठक्कर दिँदा उनीहरुको मृत्यु भएको भारतीय सञ्चारमाध्यमहरुले बताएका छन्।

दुर्घटनामा ६ जनाको मृत्यु भएको र ४ जना गभ्मीर घाइते भएको बताइएको छ। एजेन्सीहरुका अनुसार उनीहरु दाहसंस्कारबाट फर्किरहेका थिए। घाइतेहरुको स्थानीय सदर अस्पतालमा उपचार भइरहेको प्रहरीले जानकारी दिएको छ।

प्रहरीका अनुसार लालजित सिंहकी श्रीमती गीता देवीको अन्तिम संस्कार गरेर फर्किँदा दुर्घटना भएको हो । जसमा लालजित सिंह, उनका छोरा अमित शेखर उर्फ नेमानी सिंह, रामचन्द्र सिंह र छोरी बेवी देवी, भान्जी अनिता देवी र चालक प्रितम कुमारको मृत्यु भएको छ।