कालिकोट- कालिकोट जिल्लाको नरहरिनाथ गाउँपालिकाको वडा नं १ स्थित कोटवाडाको निलाखामा मिनी ट्रक दुर्घटना हुदा एक जनाको घटनास्थलमै मृत्यु भएको छ भने एक जना गम्भीर घाईते भएका छन् ।
लालिघाट बजार देखि सुनथराली विमानस्थलतर्फ जाँदै गरेको बा ५ ख ८६४३ नम्बरको मिनी ट्रक आज बिहान ७ बजे तिर दुर्घटनामा परेको प्रहरीले जानकारी दिएको छ ।
दुर्घटनामा परि मृत्यु हुनेमा नरहरिनाथ गाउँपालिकाको वडा नं १ स्थायी घर भएका ५९ बर्सिय जय बहादुर बिस्ट रहेका छन । भने नरहरिनाथ १ कोटवाडामै स्थायी घर भएका नेत्र बिस्ट गम्भीर घाईते भएका हुन् । घाइते बिस्टलाइ उपचारका लागि जिल्ला अस्पताल मान्मा लगिएको छ ।
बिमानस्थल निर्माणको सिमेन्ट र खाद्यान्न लगायतको समान बोकेको ट्रक सडकमा टर्निङ्ग लिन पछाडी आउदा सडकबाट तल खसेको थियो । मिनी ट्रकका चालक र सहचालक सकुसल रहेको प्रहरीले जानकारी दिएको छ
