सुर्खेत- कर्णाली प्रदेशको आर्थिक मामिलामन्त्रीमा नेकपा माओवादी केन्द्रका सांसद विन्दमान विष्ट नियुक्त भएका छन् । मुख्यमन्त्री जीवनबहादुर शाहीले उनलाई मन्त्री नियुक्तका लागि प्रदेश प्रमुखलाई सिफारिस गरेका थिए ।
प्रदेश सभामा मंगलबार बसेको नेकपा माओवादी केन्द्र संसदीय दलको बैठकले विष्टलाई मन्त्रीमा सिफारिस गरेको थियो । उनी सुर्खेत क्षेत्र न २ ‘ख’ बाट निर्वाचित सांसद पनि हुन् ।
माओवादी केन्द्रले अहिले विष्टबाहेक अन्य कुन व्यक्तिलाई मन्त्री बनाउने भन्ने निर्णय गर्न सकेको छैन ।
विष्ट यसअघि पनि मन्त्रीका लागि सिफारिसमा परेका थिए । तर अन्तिम समयमा उनको नाम हटाइएको थियो ।
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।