Advertisement
सुर्खेत- आजदेखि सुर्खेत -दैलेख सडक खण्ड एक महिनाका लागि बन्द हुने भएको छ।
Advertisement
दैलेखको गाईबान्नास्थित भीरको चट्टान काट्नुपर्ने भएकाले मंसिर १५ देखि पुस १४ गतेसम्म सडक बन्द गराइएको जिल्ला प्रशासन कार्यालय दैलेखले जानकारी दिएको छ ।
मर्मत गर्न लागिएको सडकखण्डबाट साना सवारी साधन (साना जीप, कार तथा मोटरसाइकल) चल्नेछन्। ठूला र मालवाहक गाडीलाई भने सुर्खेतको बड्डीचौर हुँदै तल्लो डुङ्गेश्वरको सडक खण्ड प्रयोग गर्न प्रशासनले आग्रह गरेको छ।
छोटो रुट भएका कारण बन्द भएको सुर्खेत-दैलेख सडक खण्डमा दैलेख, जाजरकोट, कालिकोट, मुगु र जुम्ला सवारी साधन चल्दै आएका थिए। अब सडक खण्ड फराकिलो नहुन्जेलसम्मका लागि सवारी साधनले वैकल्पिक मार्ग प्रयोग गर्नुपर्ने छ।
Advertisement
Advertisement
Advertisement
कुनै सल्लाह, सुझाव वा प्रतिकृयाको लागि [email protected] मा इमेल पठाउन सक्नुहुन्छ ।
