कर्णालीमा काँग्रेस अधिवेशनको मतदान एक घण्टा पछि सर्‍यो

राष्ट्रिय संञ्चार

१८ मंसिर २०७८, शनिबार १३:४४ प्रकाशित

सुर्खेत- कर्णाली प्रदेशमा निर्वाचन कार्यतालिका अनुसार मतदान प्रक्रिया शुरु हुन अझैसम्म सकेको छैन । आज दिउँसो १२ बजेदेखि शुरु हुने भनिएको मतदान कार्यक्रम उम्मेदवारहरूको लापरबाहीका कारण एक घण्टा ढिलो हुन पुगेको हो।

निर्वाचन कार्यतालिकाअनुसार दिउँसो १२ बजेदेखि बेलुकी ५ बजेसम्मका लागि मतदान गर्ने समय तोकिएको थियो । तर, उम्मेदवारहरूलाई मतपत्र डिजाइनका लागि बोलाइएको समयभन्दा ढिलो उपस्थित भएकाले मतदान प्रक्रिया ढिलो भएको जानकारी दीइएको छ ।

निर्वाचन समितिका सदस्य विवशकुमार बस्नेतका अनुसार उम्मेदवारहरूलाई मतपत्र डिजाइनको लागि बिहान ७ बजे उपस्थित हुन भनिएको थियो। उनले भने, ‘तर, उम्मेदवारहरू समयको वास्ता नै नगरी ९ बजेमात्र उपस्थित भए। हामीले डिजाइन गरेका मतपत्रमा केही त्रुटी हुनपुग्यो । अहिले मतपत्र छापिँदैछ।’