काठमाडौँ। नेपाली कांग्रेसका वरिष्ठ नेता रामचन्द्र पौडेलले आफू प्रतिस्पर्धाबाट बाहिरिएपनि लोकतान्त्रिक प्रतिस्पर्धाको आर्दश र मूल्यलाई जोगाउन आफ्ना समूहका नता तथा कार्यकर्तालाई आग्रह गरेका छन् ।
कांग्रेसको १४ औं महाधिवेशनअन्तर्गत सोमबार हुने निर्वाचनको लागि उम्मेदवारको अन्तिम नामावली सार्वजनिक भएको बेला वरिष्ठ नेता पौडेलले आफ्ना पक्षकालाई विविकपूर्ण मतदान गर्न भनेका हुन ।
पौडेलले फेसबुकमा स्टाटस लेख्दै भनेका छन् ‘आस्था र निष्ठाको राजनीति, प्रतिस्पर्धाबाट म अलग रहे पनि आस्थावान साथीहरुले आफ्नो विवेक प्रयोग गरेर लोकतान्त्रिक प्रतिस्पर्धाको आर्दश र मूल्यलाई जोगाउनु हुनेछ भन्ने शुभेच्छा व्यक्त गर्दछु ।’
महाधिवेशनका लागि सभापतिमा उम्मेदवारी दिने चर्चा चलिरहेकाबेला अन्तत पौडेलले सभापतिको प्रतिस्पर्धाबाट पछि हटेका थिए ।
आफ्नो फरक गुट बनाएर संस्थापन इतर समूहबाट पौडेलले साझा उम्मेदवार चयन गर्ने अथक प्रयास गरेका थिए । सहमति जुटाउन नसकेपछि उनले छुट्टाछ्ट्टै उम्मेदवारी दिएका थिए । संस्थापन इतरको गुट भंग भएर डा। शेखर कोइरालाल र प्राकाशमान सिंहको फरक प्यानल चुनावी मैदान उत्रिएका छन् ।
तर पौडेलले भने चुनावी मैदानबाट पछाडी हट्दै केन्द्रीय सदस्य समेत नरहने गरि कार्यसमितिबाट बाहिरिने निर्णय गरेका हुन । निर्वाचनको तयारी गरिरहका प्रतिनिधिहरुलाई पौडेलले विवेक पुर्याएर मतदान गर्न आग्रह गरेका छन् ।
