सभापतितर्फकाे १ हजार मत गनिसक्दा काे नतिजा

राष्ट्रिय संञ्चार

२८ मंसिर २०७८, मंगलवार ०६:०५ प्रकाशित

काठमाडौँ । कांग्रेसको १४औं महाधिवेशनअन्तर्गत नेतृत्व चयनका लागि भएको चुनावको मतगणनामा सभापतिमा शेरबहादुर देउवाले अग्रता बनाएका छन् ।

अहिलेसम्म १ हजार मत गनिसक्दा देउवाले ४७३ मत पाएका छन् । त्यस्तै अर्का उम्मेदवार शेखर कोइरालाले ३७६ र प्रकाशमान सिंहले ९१ मत प्राप्त गरेका छन् । त्यस्तै विमलेन्द्र निधिले ४९ मत प्राप्त गर्दा कल्याण गुरुङको नाममा भने ३ मत मात्र प्राप्त भएको छ ।

मंगलबार बिहान पौने ४ बजेदेखि मतगणना सुरु भएको हो । पहिलो चरणमा सभापतिको मतगणना सुरु भएको हो । बिहान ११ बजे सुरु भएको मतदान राति साढे ११ बजे सम्पन्‍न भएको थियो ।

१४औं महाधिवेशनबाट सभापतिसहित २ उपसभापति, २ महामन्त्री, ८ सहमहामन्त्रीसहित १३ पदाधिकारी र १ सय २१ सदस्य निर्वाचित हुनेछन् ।